Олон улсын оюутнуудын хамгийн ихээр сонгож суралцдаг улсуудын нэг нь яахын аргүй Канад улс юм. Тэгвэл яагаад Канад гэж? 2021 оны байдлаар Канадад 621’000 олон улсын оюутнууд суралцаж байгаа бөгөөд энэ нь олон улсын оюутны тоогоор Канад улсыг дэлхийд 3-р байранд жагсааж байна. Дэлхийн топ их сургуулиудын жагсаалт болох QS World University Rankings-д Канадын 26 их сургууль багтсан ба University of Toronto, Ontario, McGill University, Montreal болон University of British Columbia сургуулиуд нь дэлхийн топ 50 их сургуулиудын жагсаалтад багтаж байна. Сургалтын төлбөрийн хувьд Канад улс нь бусад Англиар ярьдаг улсууд АНУ болон Австрали улстай харьцуулахад харьцангуй хямд байдгаараа мөн давуу талтай.
КАНАД УЛСЫГ СОНГОН СУРАЛЦАХ ШАЛТГААН?
1. Технологийн боловсрол болон салбар нь өндөр хөгжсөн:
Тус улсын Мэдээлэл, технологи харилцаа холбоо, видео тоглоом, биотехнологи, дижитал медиа болон агаарын тээврийн механик инженерийн салбарууд нь боловсронгуй хөгжсөн ба энэ чиглэлээр Канад улсыг сонгон суралцдаг гадаад оюутнуудын тоо өндөр байдаг. Мөн засгийн газрын зүгээс энэ чиглэлийн дагуу судалгааны ажил хийхэд ихээхэн дэмжлэг үзүүлдэг ба сургалтын тэтгэлгүүдийг арвин зарладаг.
2. Сургалтын төлбөр харьцангүй хямд
Бусад Англи хэлтэй улсууд болох АНУ, Англи, Австрали улсуудтай харьцуулахад Канадын дээд боловсролын сургалтын төлбөр нь харьцангуй хямд байдаг. Хэрэв хичээлдээ сайн бол гадаад оюутнуудад зориулсан маш олон төрлийн сонголттой тэтгэлэгт хөтөлбөрүүд байдаг.
3. Аюулгүй тайван суралцах, амьдрах орчин
Дэлхийн энх тайвны индексээр Канад улс дэлхийд аюулгүй тайван орчноороо 6-р байранд шалгарсан буюу тогтмол топ 10 улсын жагсаалтад багтдаг. Цэвэр агаар, үзэсгэлэнтэй байгаль, хүн амын нягтаршил бага гээд энэ улсад суралцаж, амьдрахад маш таатай гэдгийг хагас саяас дээш гадаад оюутнуудын тоо нь баталж байна.
4. Ажиллах эрх
Гадаад оюутнууд суралцаж байх хугацаандаа хагас цагаар буюу долоо хоногт 20 цагийн ажиллах эрхтэй байдаг ба сургуулийн амралтын үеэр бүтэн цагаар 40 цаг ажиллах эрхтэй байдаг.
5. Цагаачлах, ажиллах боломж өндөр
Канадад их сургуульд суралцаж дууссаны дараагаар Post-Graduation Work Permit Program (PWPP) хандах боломжтой буюу дунджаар 3 жилийн хугацаанд бүтэн цагаар ажиллах зөвшөөрөл авах боломжтой байдаг. Өөрийн суралцаж төгссөн үндсэн мэргэжлээрээ Канадад энэ хугацаанд ажиллаж, ажлын туршлага хуримтлуулсан гадаадын иргэдэд тохирсон байнгын оршин суух эрх авах болон цагаачлах боломжууд элбэг байдаг.
Та Канад улсад суралцаж, хөдөлмөрлөхөөр төлөвлөж байгаа бол манай Glink агентлагт хандаж үнэ төлбөргүй зөвлөгөө аваарай. 7577-9696 утсанд холбогдож цаг авах боломжтой
Сэтгэгдэл үлдээх